馬迪爾（右）又有波入。
(©AFP)
【now.com體育】周日英超曼聯主場對愛華頓，憑安東尼馬迪爾射入他近3場聯賽第4個入球，以2:1小勝對手。
近況低沉的曼聯射手盧卡古，今場失去正選一席，中場費特洛迪古斯正選披掛，前線3人則是桑馬達、安東尼馬迪爾（Anthony Martial）和拉舒福特。
14分鐘，無人看管的安祖高美斯近距離頭槌攻門，但頂得太正被紅魔門將迪基亞沒收；19分鐘，輪到曼聯有機會，桑馬達接應馬迪爾的傳送銅頭一搖，但軟弱無力，被比克福特輕易接實；23分鐘，馬迪爾禁區外勁射，又過不了比克福特的十指關。
26分鐘，伊祖沙古爾禁區內侵犯馬迪爾，球證直指12碼點，主射的保羅普巴處理甚差，被比克福特撲出，但皮球彈回普巴腳上，他再補一腳，為紅魔先開紀錄，並憑這球在半場領先。
下半場開賽僅4分鐘，近況甚佳的馬迪爾射入靚波，左路起腳皮球彎入網，曼聯贏至2:0。51分鐘，曼聯後防出錯，班納特安尼斯奧有個大好機會，他扣過迪基亞後面對空門，可惜角度太窄未能命中目標。
之後紅魔有兩個好機會，但都被比克福特化解。65分鐘，曼聯換入盧卡古，換出拉舒福特。77分鐘，基斯史摩寧禁區內侵犯李察利臣，基菲爾施古臣操刀射入12碼，愛華頓追成1:2。
奮起直追的拖肥始終未能追平，補時階段馬迪爾單刀竟然射失，未能拉開比數，但曼聯最終把戰果維持到完場，聯賽主場2連勝。