車仔捧走英足盃。
(©AFP)
【now.com體育】周六足總盃在溫布萊爆發決賽，車路士憑夏薩特在上半場射入12碼，以1:0力克曼聯，一吐上季決賽落敗的烏氣，更令紅魔今季無盃落袋。
曼聯射手盧卡古因為足踝傷初癒，先列後備，由拉舒福特、阿歷斯山齊士、連格在前線爭取入球。車路士排出較保守陣容，收起快翼韋利安、柏度洛迪古斯，只以王牌夏薩特（Eden Hazard）配合射手基奧特。
車路士開賽後佔得優勢，夏薩特在9分鐘窄位勁射，門將迪基亞擋出，其後中場泰莫爾巴卡約高在禁區被防中尼曼查馬迪推跌，球證未有判罰12碼；不過，車仔終於在21分鐘獲判極判，夏薩特於一次反擊被中堅菲爾鍾斯從後踢跌，更親自操刀射入，領先1:0。完半場前，鍾斯在遠柱頂出界，未能將功補過。
曼聯於下半場加強攻勢，先有拉舒福特於禁區外勁射，可是欠缺角度，被門將泰拔高圖爾斯救出；隨後山神曾在門前執雞射入，但因為越位在先，入球被判無效。70分鐘，紅魔差點再輸12碼，左閘艾舒利楊格於禁區內疑似犯手球，球證根據VAR而未有判罰。
紅魔於73分鐘換入盧卡古及安東尼馬迪爾，力圖收復失地，後者立即有機會，不過射門省中中堅艾斯派古達後，被高圖爾斯輕易沒收。83分鐘，中場保羅普巴在禁區無人看管下施展頭槌，卻於柱邊出界，曼聯始終都未能撕破車仔防線，以0:1落敗；車仔拿下今季足總盃。