【A&M Diary】相信唔少人都係屋企嘅大廚，拿手小菜隨便都整到兩三碟。但係屋企嘅爐頭比出面食，總係少咗啲鑊氣；加上人總有懶惰時，又要買又要整又要洗，有時真係出街食好過。今晚就跟住灣仔嘅街坊嚟到華韻廚房，小菜選擇非常多。
炸乳鴿
燒味係華韻廚房嘅招牌，皮脆肉嫩、充滿肉汁，係每枱嘅必叫之選。
金銀蛋時蔬
時蔬係菜心，新鮮嫩綠，而金銀蛋除咗鹹蛋，餐廳玩玩新意思，加埋炒滑蛋，增添香滑感，味道都相當合拍。
新鮮菠蘿咕嚕肉
皮脆肉嫩嘅咕嚕肉，一咬開脆嫩外皮，肉汁隨即爆出。加上新鮮嘅菠蘿同酸酸甜甜嘅汁醬，令人食慾大增之餘，仲減低油脂感。
