【裝修佬】天氣又開始熱返啦！小編身邊唔少朋友都開始開返冷氣。不過由於一段時間無開冷氣機，有機會滋生大量黴菌同塵埃，令冷氣唔夠凍，又有霉味，吸得多更加會對氣管唔好！所以趁依家仲未熱到出曬汗，裝修佬一於教大家點樣4步超易DIY洗冷氣，幫大家輕鬆慳$1000！
DIY洗冷氣｜為什麼要定期洗冷氣？
一段時間沒有開冷氣機的話，機身內溫度上升，便會形成黴菌溫床。假如沒有清洗冷氣便馬上使用的話，黴菌有機會四處飄散在家中，引發鼻敏感、真菌性角膜炎，甚至其他呼吸道疾病。因此，在開機前最好徹底清潔冷氣濾網，去除濾網上的塵埃。
超簡單洗冷氣四步驟｜1. 拔除電源
清潔冷氣第一步，就知要記得拔除冷氣電源，因為大部份家庭就算冬天不開冷氣，也會長時間插住電源。拔除電源便可避免清潔時觸電問題。
超簡單洗冷氣四步驟｜2. 清潔冷氣機表面
將外殼同濾網拆走之後，再用毛巾沾少許水再清潔冷氣機四周。然後再準備一個垃圾袋、透明膠紙，之後將垃圾袋一開為二，將垃圾袋貼在冷氣機左右兩邊，預防清潔冷氣機時污水會濺到其他地方。
超簡單洗冷氣四步驟｜3. 使用冷氣機專用清潔劑
由於灰塵會暗藏於機身內，所以單單清洗外殼、濾網只清潔到冷氣機表面，緊記要清潔冷氣機內部蒸發器！首先打開屋內窗戶，將*冷氣機清潔劑搖勻後，再均勻地噴在蒸發器上，然後靜置。靜置10分鐘後，泡沫便已溶解污垢，此時再往清潔劑噴少許清水，污水便會流走。
*:一般在超市都可以購買，價錢約50-70元不等，另需留意清潔劑適用於哪一款冷氣機，如有需要可向裝修佬諮詢！
超簡單洗冷氣四步驟｜4. 清潔濾網
如果拆下來的濾網積塵情況太嚴重，清水沖不走污垢，這時便可以使用刷加上清潔劑，輕輕拭洗濾網。清洗乾淨後，用乾布抹走上面水分，再待它自然風乾裝返原先位置後便大功告成了！
注意：由於濾網是膠製品，長期暴曬有機會損爛，因此緊記不能在太陽底下曬乾。
消委會4大保養冷氣機貼士
1. 每月自行清洗1-2次冷氣機隔塵網，確保有效阻隔空氣中的塵埃，以保持室內空氣清潔。
2. 保持冷氣機散熱位暢通，送風口亦不宜被雜物阻擋。
3. 將冷氣機溫度設定為25.5，並同時開動風扇，加強空氣循環，可減低冷氣機負擔並節省電費。
4. 如長時間不使用冷氣機，應開啟送風功能去除機內濕氣，然後關掉電源，再用封套包好。
資料來源：消委會
