【A&M Diary】「仲記得中學時會約埋成班同學去飲仙跡岩嘅珍珠奶茶……」坐喺西環西寶城仙跡岩，一路聽住A姐咁講，我都一路回憶起屬於我嘅仙跡岩童年。原來1994年仙跡岩就開咗香港首間分店，那些年嘅第一杯珍珠奶茶，你還記得嗎？
三色小點
小食有香口同皮微甜嘅雞中翼、入味嘅滷水蛋同彈牙無雪味嘅炸蝦丸。
台式豬頸肉滷肉飯
滷肉份量不多不少，咸香味重，撈飯一流。而豬頸肉大塊厚切，外皮微脆，份量唔少。
牛筋牛肉麵
湯底呈現深啡色，應該用咗大量牛肉餚製而成。而牛筋煙煙韌韌，充滿住骨膠原；而牛肉味香濃。係一碗有份量嘅台式牛肉麫。
花生風味吐司
台灣吐司係我嘅最大回憶，香脆嘅厚多士，配上花生醬，微微烘過，口感唔錯。
