0
0
〈好食〉韓式燒肉天花板 元朗放題派龍殿

〈好食〉韓式燒肉天花板 元朗放題派龍殿

【A&M Diary】估唔到喺元朗都搵到屬於天花板級別嘅韓式燒肉放題!呢間位於元朗嘅派龍殿,超過30款嘅肉類同蔬菜選擇,仲有凍熟海鮮、刺身壽司等食物,重點推介唔少得長龍牛舌、燒生蠔同韓式牛肋骨,質素極高!全個世界都有地板,但元朗嘅韓式燒肉放題天花板,就只有派龍殿。

凍熟海鮮 + 刺身壽司
系燒緊韓燒嘅時候,大家可以食住到海鮮、刺身同壽司,包括:凍蝦、凍青口、辣味炒蜆、泡菜、辣雲耳、三文魚刺身、希靈魚刺身、三文魚壽司等!凍蝦鮮甜彈牙,刺身新鮮,系唔錯嘅頭盤。

韓燒類
派龍殿嘅韓燒選擇真系超級豐富,有超過30款嘅肉類同蔬菜選擇,包括:牛仔骨、牛冧片、牛冧粒、原味豬扒、叉燒豬扒、豬腩片、辣雞翼、原味雞翼、南乳雞翼、豬頸肉、咖喱雞柳、原味雞柳、雞腎片、雞軟骨、龍脷柳、咖喱魷魚翼、魷魚須、多春魚、雞片、陳皮魚蛋、台灣腸、廚師腸、蒜蓉扇貝、芝士腸、菠蘿片、粟米、翠玉瓜、茄子等。我哋勁力推介咖喱魷魚翼,咖喱味香濃,醃得非常入味。另外,南乳雞翼都系非常驚喜,南乳味好惹味,雞肉嫩滑。

熟食類
除咗韓燒之外,派龍殿嘅熟食非常高質,好有心思,有魚湯卜卜蜆、蒸蠔、辣子豬腸、麻辣雙豬、小龍蝦、水煮牛、炸雞、商湯雜菜粉絲、鰻魚汁茄子冬菇翠玉瓜、烤雞扒、焗牛脷。麻辣雙豬系麻辣豬紅同豬手,豬紅煮得好入味,麻椒味香濃!另外,魚湯卜卜蜆十分清甜,蜆肉厚肉大大粒,完全無沙。

鐵板燒
派龍殿仲特設鐵板燒區,有專人同你燒,每日都有唔同嘅特色鐵板燒食品,我哋嗰日有長龍牛舌、燒生蠔同韓式牛肋骨。長龍牛舌燒得啱啱好,厚切嘅口感豐富,非常滋味。

飲品
派龍殿嘅飲品選擇都豐富,有各款啤酒、汽水、烏龍茶、檸檬茶、熱茶等。

  1. 更多
  1. 丘應樺稱引入640間企業 料可超額完成施政報告目標
    丘應樺稱引入640間企業 料可超額完成施政報告目標
    7小時前
  2. 議員關注海外港人回港看病 盧寵茂:取消公營看病資格涉居民資格定義 需要嚴謹考慮
    議員關注海外港人回港看病 盧寵茂:取消公營看病資格涉居民資格定義 需要嚴謹考慮
    13分鐘前
  3. 《華爾街日報》記者格爾什科維奇間諜案 俄羅斯法院開審
    《華爾街日報》記者格爾什科維奇間諜案 俄羅斯法院開審
    55分鐘前
  4. 盧寵茂指哪間院校能辦醫學院 視乎能否增優質學生
    盧寵茂指哪間院校能辦醫學院 視乎能否增優質學生
    1小時前
  5. 議員關注申辦暫託幼兒服務條件高 孫玉菡指樂意討論其他方法滿足要求
    議員關注申辦暫託幼兒服務條件高 孫玉菡指樂意討論其他方法滿足要求
    1小時前
  6. 機場周日航班資料系統故障 機管局再向公眾致歉
    機場周日航班資料系統故障 機管局再向公眾致歉
    1小時前
  7. 【世味天下】德國漢莎航空明年起徵收環保燃料費
    【世味天下】德國漢莎航空明年起徵收環保燃料費
    1小時前
  8. 【世味天下】調查指台灣人平均每三人就有一人曾遭詐騙
    【世味天下】調查指台灣人平均每三人就有一人曾遭詐騙
    1小時前
  9. 孫興慜父親涉於足球學校虐兒受查
    孫興慜父親涉於足球學校虐兒受查
    1小時前
  10. 【南豐旗下】AIRSIDE商廈出租率70% 料商場暑假營業額升15%
    【南豐旗下】AIRSIDE商廈出租率70% 料商場暑假營業額升15%
    2小時前