【A&M Diary】細細個讀常識都知道，香港地少人多，山多平地少，所以香港有唔少睇夜景嘅好地方。當然有唔少人鍾意往更高嘅山挑戰，但作為BB級level嘅我哋，加上夏天天氣炎熱，所以15分鐘就到頂嘅嘉頓山就啱晒我哋，仲可以睇到深水埗一帶嘅城市夜景！
提提你
1. 有唔少人會爬出去欄杆外嘅岩石邊，有一定危險性，大家一定要小心
2. 沿路冇任何洗手間或補給站，所以記住帶備足夠嘅飲用水前往
3. 大家記住保持環境清潔，自己垃圾自己帶走，絕對唔可以破壞大自然環境
前往方法
喺美荷樓旁邊就有一條樓梯，只要沿路得行，15分鐘就會到達山頂
嘉頓山
之所以稱為嘉頓山，係因為呢座山位於深水埗嘉頓廠嘅旁邊，呢座山只係90.6米高，有唔少人鍾意喺黃昏時間登山，可以由日落睇到夜景。
