【Now.com】由商台DJ當奴（唐劍康）及少爺占（甄子康）組成的艾粒（ILUB）昨晚（2月9日）於九展Star Hall舉行頭場《Part2 ! 王鳳女士 XYZ 銀河道士大匯演》，兩人在舞台上大放笑彈。不過，演出期間播放了商台同事余迪偉半祼 浸溫泉的玉照，惹來迪偉深夜嬲爆在社交平台發文，直斥艾性取向歧視和職場欺凌，大罵「Enough is enough!」！
迪偉鬧爆：呢單嘢係性取向歧視同埋職場欺凌！
艾粒演唱會開場時，播出經典節目《文化節拍》的片段，期間出現余迪偉的半祼浸溫泉玉照，寫道「迪偉同你浸溫泉」，令現場觀眾嘩聲四起。余迪偉得悉事件後，爆SEED在社交平台發文，Tag當奴和少爺占鬧爆：「Enough is enough! 你哋都玩咗咁多年啦，我都冇出聲咁多年啦，你哋都有頭有面有地位，仲玩？呢張相係我IG嘅，有冇經過我同意上你哋個大台去賺錢呢？呢單嘢係性取向歧視同埋職場欺凌！」
余迪偉出Post後隨即引起網民討論，不少網友留言撐迪偉，指艾粒不時在節目用余迪偉開玩笑，包括「迪奶俱樂部」、「迪奶後花園」等，相信迪偉「忍咗十幾年」，亦有人問迪偉是否「真嬲 」。
艾粒公開道歉：會更改餘下場次節目內容
事件持續發酵，至今日（10日）約下午3時左右，艾粒兩位成員分別在社交平台出Post向迪偉道歉，並表示余迪偉已接受：「就日前艾粒騷以過去環節文化節拍重溫一事而闖出的禍，令當事人迪偉先生受到冒犯，我們鄭重地衷心向迪偉先生道歉。感謝迪偉大人有大量，得知你已接受道歉，我們萬分感激。我們會更改餘下場次節目內容，並承諾以此為鑒，日後會更加小心顧及所有人感受。我知道錯了，對不起。」
余迪偉記招回應：唔好再有下次
至今日（10日）下午4時，迪偉做完節目後會見傳媒回應事件，指透過朋友得知事件，自己並沒有同意將照片予艾粒在演唱會上使用，亦不知道演唱會有該環節。迪偉自覺忍氣吞聲多年，覺得是時候發聲。「我就寫咗Enough is Enough。我身邊好多朋友都受到職場欺凌和性別認同欺度，我之前喺一個騷上提過，我有個ex就係因為承受唔到歧視而租屋燒炭自殺，我到而家仲耿耿於懷。」迪偉指，今次不單止是為自己發聲，亦是為一眾受到任何歧視的人發聲。
被問及是否已原諒二人，迪偉指二人深夜已向自己道歉，並承諾會更改節目內容。迪偉指二人道歉真誠、有心，一定會原諒對方。「始終一齊工作，嬲會完，但歧視唔會完，而家喺時候停止，希望唔會再有下一次。」迪偉又認為，若艾粒仍視自己為朋友，「可以算係㗎」，亦不會因此事與艾粒產生芥蒂，今次事件已告一段落。
PHOTO／Instagram@dikwai、影片截圖、Instagram@jimyan、Instagram@DONALDTONG
