【A&M Diary】近排嘅減肥生活令人好苦悶啊，所以要為自己定下一個特別日期，就係食飽飽大日子喇！今日嚟到尖沙咀嘅Garden Bar & Restaurant，餐廳除咗係一間酒吧同餐廳之外，亦有一個小花園，所以喺呢個食飽飽大日子，又有嘢食，又有酒飲，仲可以打卡，夠晒盡興！
螢光魷魚沖漬
螢光魷魚入口有種海水鮮甜味，配上橘子絲，令甜度大大提升。另外，爽脆沙律菜吸曬螢光魷魚嘅醬汁，整個前菜可以用一個字總結：fresh！
香烤魷魚串
平時魷魚串醬汁多數都係日式燒汁，而呢個魷魚串竟然配上辣椒豉油，估唔到又幾match！即刻令食道甦醒，胃口大開，主菜我嚟喇！
香煎北海道帶子配牛肝菌忌廉意大利麵
忌廉汁滑而不膩，加上蒜粒令整個菜都好香口。雜菌夾雜係意大利麵之中，令每啖都有層次感。
