ViuTV 港版《大叔的愛》今晚大結局，不少觀眾大嘆「唔捨得」。《大叔的愛》是首套港產 BL 劇，這套以同志為主題的作品不但沒有惹來厭惡，更吸引大人細路追看！歌手藍奕邦亦是《大叔的愛》劇迷，昨深夜發千字文解釋當中原因，坦言此劇對他來說有多一層意義。
藍奕邦認為，過往的電視劇對 LGBT 群組有所定型，「Gay 一定係乸型嘅，trans 一定係變態殺手，同性關係一定係『有問題』無好下場，角色一定係古明華演蘇基之類嘅騎呢 image 等等，所有最負面最古舊嘅 stereotype 無限放大。」直至《大叔的愛》開播，媒體以至社會大眾，對 LGBT 的形象有別於過往的解讀。劇中有兩男親吻鏡頭，又有同性求婚的情節，藍奕邦覺得這些都表現得自然舒服，感覺跟異性戀愛無異，「Gay唔一定係標奇立異，係肉酸，係不務正業。」
令藍奕邦最欣慰的是，他留意到在 ViuTV Facebook 上沒有「嘔心」、「該煨」、「道德淪亡」、「希望佢哋鍾意返女人」等恐同留言，反而是大家叫阿牧追回阿田、KK 好有型好可愛等等。他坦言：「好似坊間忽然間好開放好接受同性戀咁添！係咪真架？當然，睇戲還睇戲，現實世界可能係另一回事。」
他續指，當媽媽都會與子女一齊追劇、一齊笑，覺得田牧好登對好靚仔、KK 好 man 好有型，可想而知有多大進步，「上一輩嘅可能睇咗呢套劇，而令一個想同屋企 come out 嘅年青人將會 have a much better time coming out，因為佢哋對 LGBT 社群有咗一個新嘅 reference point。」他又藉此多謝 ViuTV，他謂這陣子在香港生活很難笑得出，但此劇播出以來的三個星期，起碼有一個鐘的時間令他可以暫時忘記一切，盡情開心！
此帖文一出，惹來網民認真留言討論。有人疑惑 KK 有個非常恩愛的太太，為何會因為突然心動的感覺就放棄太太。藍奕邦親自回覆留言：「it’s more like 一下心動 and he realizes he’s gay. 」許多網民都表示多謝 ViuTV 播映《大叔的愛》，令人有多角度了解 LGBT 社群。有人留言：「好開心有呢套劇，唔單止係電視上『正常化』同性戀，更令我諗到係追劇嘅同時，父母可以點樣同小朋友解釋愛的光譜同可能性，並讓佢地學懂尊重。」
Photo / Facebook @PongNanOfficial、Instagram @edanlui
