【Viu】音樂監製Edward Chan陳浩然將於3月23、24日舉行首個個人作品展，今日邀請小明方皓玟、陳柏宇、林奕匡、黃妍、葉巧琳等出席記者會，即場宣布各演出單位，而Edward身為「MIRROR御用監製」，當然唔少得有Anson Lo、姜濤、Edan，咁強勁陣容，又係大家撲飛時候啦！
Edward表示好感動，因為大家都係半個鐘內就回覆參與，冇一個話「問吓先」，笑言呢啲係因果論，關係唔係自己一廂情願。不過，十幾個演出單位，出場次序都令到佢好頭痛，要點解決就要聽Edward親自講解。林奕匡、葉巧琳、陳柏宇異口同聲話希望可以試唱其他歌手作品，期待Edward安排。
小明讚Edward 係樂壇社工，對於佢最近一頭金髮新造型俾人話同Sammi撞樣，佢一啲都冇介意，仲自爆最近因為一個人而成功增磅添。
另外，黃妍剛憑《白日之下》主題曲，入圍金像獎最佳原創電影歌曲最後五強，佢話聽講入圍有機會上台獻唱已經好開心，攞唔攞獎唔太重要，但呢個答案竟惹來Jason嫌棄，教答之餘，仲提議咗一個超激造型畀黃妍亮相，搞到黃妍唔識應對超爆笑！想知更多豐富內容記得睇片。
