【A&M Diary】相信好多人都認識九龍皇帝曾灶財，但原來香港最早嘅皇帝，係嚟自宋朝！當時因為逃避元軍追殺而君臨九龍，成為歷史上唯一一次有在位中國帝王嚟到香港。想了解歷史，最好嘅方法就係接觸歷史，所以我哋今日嚟到宋王臺花園。
聖山
南宋末年，7歲成為皇帝嘅端宗同衛王被蒙古大軍南攻而被逼流亡。喺文天祥、陸秀夫等人護送下，最終逃命嚟到香港九龍城。端宗不足10歲駕崩，由衛王繼位，可惜元兵窮追猛打，宋軍大敗，陸秀夫背負衛王投海殉國。為咗紀念宋王喺香港嘅事蹟，民眾喺相傳端宗經常休息嘅巨岩上面刻上在岩下「宋王臺」。所以呢個高35米、方圓約606米嘅巨岩被稱為「聖山」。
宋王臺花園
後來因為二次世界大戰同啟德機場擴建計劃，聖山被夷平，而巨岩被切割後嘅殘骸就放咗喺而家嘅宋王臺花園。
