【Jer】Jer柳應廷、Stanley邱士縉、黃妍同葉巧琳今日出席名錶活動，Stanley踢爆Jer係「錶王」，儲咗好多錶嚟襯衫，笑問會唔會學《龍咁威》儲靚車嚟襯衫呢？兩位嘅答案真係笑到小編有腹肌喇！
講到大表哥之前同Jeremy要齊去日本旅行，佢就劇透係為咗update「巨龍與豬仔」呢個頻道，仲笑言驚Jeremy尷尬，所以冇一齊浸溫泉，點知最近密密「打卡」做Gym嘅Jer，衝出嚟話想同大表哥一齊浸喇，係咪好想知大表哥點樣品評Jer嘅身形呢？
至於姜濤最近因為社交網站公開網友照片而被批評，事後亦有出story向網友致歉，Jer希望大家畀空間姜濤；Stanley就話有慰問姜濤，亦有send歌鼓勵佢，仲幫姜姜解釋事件嘅來龍去脈，「大表姜」真係好有愛呀！
想睇「Mean King」Stanley點樣同阿Jer玩轉訪問，記得loop爆呢條足本訪問喇！
此外、黃妍親解內地騷煞停之謎，仲預告12月佛山站已經通過晒相關手續，相信開得成！
