曾志偉今年出任無綫高層後，進行一連串節目改革，《勁歌金曲》亦因此大翻新。不過最近《勁歌》播放時間多次被調動，由黃金時段周日晚上9點半播1個鐘，縮短至周日下午播5分鐘，唔通革新咁快就失敗？
新版《勁歌金曲》有Eric Kwok、糖妹、涂毓麟做主持（Photo／IG@kandybubu）
ViuTV音樂節目《Chill Club》討論度越嚟越高，無綫都唔執輸，落力改革自己嘅《勁歌金曲》，新版除咗請到郭偉亮Eric Kwok、糖妹黃山怡、《全民造星》出身嘅Oscar涂毓麟做主持，仲增設現場點評環節，而首集更邀得張敬軒、衛詩、衛蘭等近30位歌星做嘉賓，陣容強大，為節目開咗個靚頭。
首集星光熠熠（Photo／IG@ginleeginlee）
本來《勁歌金曲》4月開始改喺星期日晚上9點半，播足1個鐘對撼《Chill Club》，不過上月尾又被調時間，變成逢星期六、日晚上11點播15分鐘。當時主持Eric Kwok接受傳媒訪問話，尊重高層曾志偉、王祖藍嘅決定，又指可能《勁歌》嚟緊會有大翻新。但最新安排下，《勁歌金曲》再被調至星期日下午3點55分播出，更只cut剩5分鐘，而J2台就會如常喺星期六下午播1個鐘版《勁歌金曲》。
Photo／IG@ginleeginlee、@kandybubu
