0
0
【香港Staycation】抵玩泡泡浴套房之選 銅鑼灣愛麗舍酒店

【香港Staycation】抵玩泡泡浴套房之選 銅鑼灣愛麗舍酒店

【A&M Diary】根據A姐M佬嘅非官方統計,大家去玩Staycation嘅三大要求,一定唔少得喺浴缸浸泡泡浴!如果想浸浴兼要靚景打卡,但budget又唔太多嘅話,銅鑼灣愛麗舍酒店嘅行政套房,絕對係我哋嘅心水推介之一!另外,酒店亦有提供月租優惠客房,租期比租樓更有彈性,深受追求私人空間或者喺附近返工嘅朋友喜愛。

酒店大堂
銅鑼灣愛麗舍酒店位於銅鑼灣摩頓臺,大概行3分鐘,就可以去到最就近嘅維多利亞公園電車站,玩Staycation嘅同時,不如嚟個慢活嘅電車之旅啦!另外,大約10分鐘嘅步程就可以去到銅鑼灣港鐵站,而銅鑼灣區當然唔少得各大商埸、日式百貨公司同24小時日式人氣超市啦,想行街買嘢同補給日用品都夠晒方便!而我哋就特別欣賞酒店自家製作嘅觀光地圖,非常適合大家扮吓遊客,遊玩香港。

愛麗舍酒店嘅check-in counter位於地下,雖然大堂設計簡約,但check-in過程非常順暢,員工服務一流,勁快手就攞到匙卡上房喇!由酒店搭lift上房或者凌晨12點後返酒店都要拍卡,保安都算唔錯。

房間區域
愛麗舍酒店一共提供92間客房及套房,以樓層同景觀分為唔同房型,以及頂層設有浴缸嘅行政套房。由於酒店嘅客房都只係HK$350左右一晚,所以M佬今次話住豪啲,入住28樓頂層,最高級嘅行政套房,等我哋可以浸吓浴,relax吓。

行政套房嘅面積空間感唔錯,景觀以大坑、維園同維港東岸為主,加上今日天氣唔錯,可以睇到獅子山一帶嘅景色,窗外風景夠晒開揚。

雙人床屬於King size,軟硬度適中,床單非常柔軟,枕頭總共有4個,床嘅兩邊都有床頭櫃,亦有插頭位方便充電。但略嫌房間嘅窗簾遮光麻麻,喺啲罅隙會有光透入,所以易扎醒嘅我,朝早就比較早起身喇!

另外,房間當然唔少得風筒、衣櫃、保險箱、拖鞋同浴袍。另外,房間內嘅mini bar就有水煲、免費嘅茶包、咖啡包同雪櫃,基本嘢都算齊晒。

最令我哋欣賞嘅係電視頻道選擇超多,除咗本地免費電視台,連平時收費嘅英超台、體育台、電影台同台灣電視台都有,真係足不出戶都有勁多節目選擇。

浴室區域
講到成間房最值回票價,當然就係浴室內嘅浴缸。我哋特意選購採用天然材料,不含SLS致敏成份嘅bulu.bathbomb泡泡浴球,勁容易就打出泡泡沉呀!浴室景觀同樣以大坑、維園同維港東岸為主,輕鬆就製造成打卡泡泡浴啦!浴室乾濕分離,除咗浴缸仲有淋浴企缸。至於個人用品除咗牙刷、牙膏,仲有自家品牌嘅沐浴露,味道都幾香,如果有需要就自行攜帶啦!

  1. 更多
  1. 管浩鳴:用國安法是極少數情況因很「丟架」 緊急通過立法為保障市民福祉、毋須過份擔心
    管浩鳴:用國安法是極少數情況因很「丟架」 緊急通過立法為保障市民福祉、毋須過份擔心
    1小時前
  2. 張軍:中國不參加任何形式核軍備競賽
    張軍:中國不參加任何形式核軍備競賽
    40分鐘前
  3. 【附連結】首艘國產破冰船雪龍2號訪港報名參觀攻略
    【附連結】首艘國產破冰船雪龍2號訪港報名參觀攻略
    1小時前
  4. 美斯門票退款需先撤投訴 向消委會投訴不受影響
    美斯門票退款需先撤投訴 向消委會投訴不受影響
    1小時前
  5. 青衣趙曾學韞小學獲派0班 家長感惋惜
    青衣趙曾學韞小學獲派0班 家長感惋惜
    1小時前
  6. 立法會恢復二讀辯論23條立法草案 梁君彥:相信本屆議員感到十分光榮
    立法會恢復二讀辯論23條立法草案 梁君彥:相信本屆議員感到十分光榮
    1小時前
  7. 白宮宣布美、日、菲將於下月11日舉行三國首腦會談
    白宮宣布美、日、菲將於下月11日舉行三國首腦會談
    2小時前
  8. 普京獲確認成功連任總統 指將以鐵路連接俄羅斯及俄佔烏克蘭地區
    普京獲確認成功連任總統 指將以鐵路連接俄羅斯及俄佔烏克蘭地區
    2小時前
  9. 陳勇稱全力以赴爭取今日內完成23條草案立法
    陳勇稱全力以赴爭取今日內完成23條草案立法
    2小時前
  10. 以軍再次圍攻加沙希法醫院 拜登與內塔尼亞胡通話同意磋商拉法軍事行動
    以軍再次圍攻加沙希法醫院 拜登與內塔尼亞胡通話同意磋商拉法軍事行動
    3小時前