【A&M Diary】出生於八十年代，當時住喺公屋嘅我，屋企大門係打開嘅。我哋成班小朋友都會四圍跑，一齊玩捉依因；有嘢食又會大家share；就算俾mummy鬧，大家都會聽得一清二楚；當然社區上有咩事情，大家都會好團結，呢啲就係人情味。但隨住社會進步，大家生活富足，連借鹽借糖嘅藉口都無埋，大家深居簡出，閒話少說。雖然舊社區嘅味道越嚟越淡，但我就唔認為人係比以前冷漠，至少我仲喺柴灣嘅興華茶餐廳搵到人情味。
干炒牛河
即叫即炒，order完無耐，已經聽到嚟自廚房起鑊嘅聲音，真係聽聲都feel到嗰陣鑊氣！干炒牛河大大碟，上枱時出晒煙，夠晒熱辣辣！最鍾意係河粉唔會好油，河粉上晒色又夠滑，而且河粉好有口感，唔會一pat pat，味道一流。牛肉都唔少，夠晒入味！最重要當然係好夠鑊氣啦！
蔥油生炸雞脾飯
雞脾超大隻，炸到好香口，外脆內嫩，好juicy！面頭淋上蔥油，味道好有層次，必食推介。不過就略嫌飯係比雞脾先上一段時間，所以飯已經凍咗少少。
奶醬多
多士香脆，奶同油比例啱啱好。
