【A&M Diary】今日同A姐放工後，去咗一個平時我哋比較少去嘅地方，就係將軍澳。嚟到將軍澳嘅新都城行吓街，雖然就無咩買到，但A姐話人少少，行吓睇吓都好舒服。而晚餐就隨意搵咗一間，今晚就選擇咗Coffee Art，簡簡單單食意大利粉啦！
南瓜忌廉湯
是日晚餐可以揀沙律或者是日餐湯，南瓜忌廉湯好Creamy，有淡淡嘅南瓜味，正！
炸粗薯條配黑松露醬
呢個薯條即叫即炸，夠晒香口又熱辣辣，配上黑松露醬，就更加好味。不過，我哋就唔覺得佢係粗薯條囉。
酒香腐乳雞肉意大利粉
腐乳配意大利粉？你無聽錯，但真係好好味呀！帶有淡淡嘅酒香，而腐乳真係好香濃，汁完美咁掛晒上意大利粉。係我哋認為必叫之選。
