【now.com生活】Check！Check！Check！最近再有中學學生會宣傳片係網上瘋傳，更喺「名校Secret」吸引76萬瀏覽次數！今次有聖芳濟各書院學生會候選內閣「Wi-Fi」三分半鐘內Rap著介紹自己內閣，更以強行修音配上古怪舞「召喚」奧巴馬、習近平 、BIGBANG、EXO、Michael Jordan幫手宣傳，都咪話唔威！
唔少網民都大讚學生好有創意、好好笑！段Rap洗腦得嚟又好有質素。有網民直言：「我都覺得Wifi好高質無得輸，主席好入beat，一啲違和感都冇」、「Rap得好唔在講 中間有停頓位果下真係有sense」、「中學學生會宣傳高質（素）過大專⋯」
精彩嘅中學學生會宣傳片又點只Wi-Fi！仲有第一間以Hip Hop風宣傳自己內閣嘅保良局董玉娣中學學生會候選內閣「Pixel」！
除咗HipHop同Rap，幾年前觀塘瑪利諾書院學生會候選內閣「Zeal」都好創新咁用一鏡到底配上倒帶方法拍攝宣傳片！睇真係你會大叫一句：「神拍攝啊！」
睇完以上學生會宣傳片，證明中學真係一個臥虎藏龍嘅地方！真係唔可以睇少新一代嘅創意同潛質啊！
