HK Express統一所有預購行李託運收費，提供20kg、25kg或30kg三種選擇。
【now.com】自從廉航的興起，大家都多了外出旅遊的機會，尤其是愈來愈多廉航選擇，各公司鬥劈價吸引乘客，一千蚊內飛去台灣、日本、泰國等地完全不是問題，加上早前停收燃油附加費，搭飛機有時平過搭船去澳門！
不過機票票價調低，唔代表真係買到平機票。經常推出優惠的香港快運（HK Express），今日起即時提高寄艙行李收費，並統一長短途航線的寄艙收李費。
現時網上訂票時預購行李託運的話，可選擇20kg（$260）、25kg（$360）或30kg（$365）。若果在初次預訂時沒有預購行李託運，想網上補購的話，收費將會更高，20kg將收取$390、25kg收$540、30kg收$545，分分鐘貴過張機票。
若果透過電話客戶服務熱線預訂，又會有更高收費，價格由$410－$585不等；若果到機場櫃台再訂的話，價格由$570－$800不等。
統一長短途航線 台中加價73%
之前屬短途區域的台中、國內城市、清邁、峴港、暹粒和石垣島，20kg只需$150行李費，30kg都只是$250，現時不再分長短線區域，換句話說去台中的話，20kg行李收費高了73%！
而之前屬長途區域的日本其他城市、韓國、布吉、曼德勒和仰光，原本20kg只需$225，新收費將提高16%，大家以後想享受勁平機票的話唯有做背包客了。
新舊收費對比
HK Express統一所有預購行李託運收費，提供20kg、25kg或30kg三種選擇。
買機票時記得揀埋行李先，如果後補貴好多！
若果打電話或去到機場櫃台再訂，仲貴！夠買多張機票了。
