【now.com】 經典遊戲 PAC-MAN 深受歡迎，又曾經以此大熱遊戲做題材拍成電影，就連Google Map都曾經利用地圖出過食鬼遊戲，大人細路玩得勁過癮。不過原來由即日至11月1日，山頂廣場新增了「RUNNING PAC-MAN」萬聖節主題活動，整個商場會變成食鬼遊戲場景，遊戲角色更會通處走，讓你回味打機的回憶。
在山頂廣場設置的真人版「AAPE x PAC-MAN」迷宮，場景就與食鬼遊戲一樣，你可以化身做食鬼遊戲角色，親身走入迷宮探險，體驗經典 PAC-MAN 遊戲，更特別為小朋友設置兒童玩樂版 PAC-MAN 迷宮，免費入場。玩完迷宮遊戲過後，更可以與PAC-MAN Cute爆人形公仔拍照留念。
而參與迷宮遊戲更可獲得 「AAPE x PAC-MAN」糖果，遊戲勝出者又會獲得 PAC-MAN 記憶棒。而本周六（10月3日）開始，廣場更會設「PAC-MAN 順瘋車」，逢星期六穿梭香港及九龍區大玩遊戲，參加者更有機會免費乘搭「PAC-MAN 順瘋車」直達山頂廣場，歡度萬聖節。
山頂廣場新增PAC-MAN食鬼遊戲，同大家回味兒時玩意。
更可以扮食鬼，在迷宮中同人追逐。
在迷宮喪跑，非常過癮。
又設有兒童版迷宮，小朋友都玩得開心。
玩完迷宮又可以同遊戲經典角色拍照。
玩完迷宮又可以同遊戲經典角色拍照。
