【now.com】澳門的賭場已經多到數唔晒，不過依然愈開愈多，而且愈趨發展非賭博的娛樂，提供另類的享樂體驗。繼數年前的大型水上匯演項目、數月前的嶄新水上樂園開放後，以荷里活電影為建設背景的澳門「新濠影滙」Macau Studio City昨日宣布將於10月27日隆重開幕，當中最為人注目的一定是懸高130米、全球最高的8字形摩天輪「影滙之星」。
據講，聳立於兩座酒店大樓之間的「影滙之星」設計意念來自電影《蝙蝠俠》中「葛咸城」探射燈，共有17個以復古科幻為主題的觀景廂，每個可容納10人，全程約18分鐘，成人港幣$100，12歲以下小童港幣$80。現在於網上可訂購十一月至十二月的門票，記者查過，暫時日日都仲有票賣。
咁高都咪話唔驚。（網上圖片）
去到中層睇睇。（網上圖片）
廂內更有玻璃底的部分。（網上圖片）
咁好真係腳都軟。（網上圖片）
另外，全球首個以DC漫畫超級英雄「蝙蝠俠」為主題的4D多媒體飛行體驗「蝙蝠俠夜神飛馳」亦是亮點之一，玩家可以跟隨蝙蝠俠穿梭葛咸城，經歷一幕又一幕的經典場面。仲有由世知名魔術大師Franz Harary主理的「魔幻間」，呈獻90分鐘的奇幻舞台。
成人港幣$150，12歲以下小童港幣$120。（網上圖片）
成人（貴賓）港幣$600， （標準）港幣$400，12歲以下小童港幣$320 。（網上圖片）
