【A&M Diary】大排檔係香港地道美食嘅代表，但隨住城市節奏改變，昔日嘅街頭風味無奈轉型。好似昔日嘅連文記大排檔，雖然走進荔枝角工廠區，搖身一變成為連文記冰室，但嗰份鑊氣、人情味、份量十足嘅出品，成為唔少喺附近返工嘅人之寄托，以港式飯堂深深直根我們嘅情懷。
連文記冰室：瑞士雞翼
食茶記冰室，小食又點少得瑞士雞翼呢！雞翼夠晒入味，醬汁濃郁，甜甜哋，非常開胃。
瑞士雞翼
連文記冰室：蔥油雞扒飯
雞扒披住金黃酥脆嘅雞外皮，望見都覺得脆卜卜，食落外脆肉嫩，啖啖肉汁再加上冇得輸嘅蔥油，蔥香味令雞肉嘅味道得以進一步被提升，充滿層次。
蔥油雞扒飯
