【now.com】日本東京電力公司在本港時間中午12時正式開始排放福島核電廠等核廢水入海，令不少市民都關注核廢水入海對本港的影響。港大化學系博士鄺士山（K Kwong）日前在社交平台一次回應了有關核廢水排放的十大熱門問題，更指自己「唔怕福島核電廠核廢水」。
日本東京電力公司在本港時間中午12時正式開始排放福島核電廠等核廢水入海，除了內地全面暫停進口日本水產品外，港府亦隨即宣布由即日起禁止進口日本東京、福島、茨城、宮城、千葉、群馬、栃木、新潟、長野和埼玉十個都縣的水產品，以確保本港的食物安全及公眾健康。
K Kwong日前在社交平台中英對照一次回應有關核廢水排放的十大熱門問題，包括「怕唔怕福島核電廠水？」，「支持政府禁日本10個縣海產品嗎？」、「會影響日本生果嗎？」等，帖文發布不足一天已有1.5萬人讚好，逾2千次轉發，即睇化學系博士K Kwong點睇！
K Kwong Facebook原文：
【食日本嘢】
一次過答晒
1. 【怕唔怕福島核電廠水？】唔怕，因為濃度低。
2.【支持政府禁日本10個縣海產品嗎？】唔支持禁，搵嘢嚟做。
3.【以後唔畀入口，對你有乜影響？】冇乜影響，一向好少係（喺）香港食日本嘢，因為貴過日本好多，亦冇咁新鮮。我會飛去日本食！唔好同我爭！
4.【係咪你自己唔怕死咋？】我個孫都食日本生果喎！
5.【咁你真係唔驚？】我驚呀，我驚佢D核污水未排哂就再一次「東海大地震」，咁就一次過乜Q未處理過嘅污水就排哂落海，全球漁業真正大鑊。我短期內會再去日本玩，唔好同我爭！
6.【東海大地震嘅風險高嗎？】好高，所以積埋咁多污水唔係好事。
7.【會影響日本生果嗎？】唔會！唔會！唔會！海嘅水係上唔到陸地灌溉系統嘅
8.【氚同碳14會永遠留係身體内嗎？】唔會！唔會！唔會！佢哋生物半衰期得幾日。
9.【如果啲水冇事點解你唔攞嚟飲？】係經過海水稀釋咗嘅水無事，即濃度低到冇影響，但係我唔會飲海水。尿都冇事我都唔會攞尿嚟飲喎！
10.【你賣國賊先至支持日本政府！】唔係日本政府做嘅所有嘢我都支持，最重要係透明度。好多國家都冇透明度。
