【A&M Diary】「唔準諗，即刻答！雞、牛、豬、雞、鴨、魚、雞，你最鍾意食邊隻肉呢？」點解你個問題，雞會重覆又重覆呢？因為我真係好鍾意食雞呢！如果你同我一樣都係鍾意食雞，就唔可以錯過位於大角咀嘅柚子茶室。柚子茶室係一間人情味小店，從招牌上面既圖案，就知道柚子茶室嘅名物就係又香又滑嘅雞喇！
椰子雞湯
餐廳每日都會提供幾款唔同嘅燉湯，既然柚子茶室嘅名物係雞，當然就要揀椰子雞湯啦！椰子雞湯嘅湯底聞落帶有淡淡嘅椰香，味道方面卻非常濃郁，椰子同雞嘅味道清香，充滿層次，重點係一啲都唔油。
秘製無骨海南雞油飯
嚟到柚子茶室當然要試吓呢度最出名嘅海南雞！海南雞一上枱，最吸晴當然係雞皮下面嗰層濃濃骨膠原嘅啫喱，雖然邪惡，但絕對係海南雞嘅精粹。雞肉非常嫩滑，肉味香濃，當然最正係又香又滑嘅雞皮啦。加上絕配嘅油飯，絕對係perfect match！
花膠胡椒豬肚雞湯米線
