【Viu】台灣藝人林志穎今日(22號)上午10點幾，揸住接近400萬台幣嘅白色Tesla model X，載囝囝去參加賽車比賽，喺桃園蘆竹區中正北路駛往桃園方向嗰陣，架車突然撞向電線桿，車頭隨即起火，林志穎同兒子被目擊意外嘅路人先後救出，林志穎成面都係血，而且頭部腫脹，隻手仲疑似甩骹，但好好彩囝囝只係臉部受輕傷，不過就因為意外而驚魂未定，之後兩人被送往醫院接受治療，林志穎嘅經理人回應傳媒指佢哋兩父子目前留院觀察中，有進一步消息就會再通知大家，而警方亦指林志穎兀現時冇生命危險，總算係不幸中嘅大幸！
而喺下午5點幾，吉米工作室透過林志穎嘅社交平台度發表聲明，交代林志穎父子情況，聲明原文如下：
「今22（日）早上約10點由駕駛林志穎先生及乘客兒子Jenson，因不明原因開車自撞分隔島起火燃燒，隨即被熱心路人救出送往林口長庚醫院，目前林志穎父子正在長庚醫院進行緊急醫療處理中，林志穎先生有多處受傷及骨折，目前由長庚醫療團隊進行手術評估中，病情暫時無法詳細說明，但目前相對穩定，非常感謝社會大眾和粉絲的關心及長庚醫療團隊的協助。
最後，要由衷感謝將林志穎先生及兒子從車中救出的好心人士，僅代表林志穎家人及公司謝謝您。」
