近日湖北省孝感市一位大叔因涉嫌詐騙被捕，佢為咗逃避調查竟然詐暈三日三夜，期間即使被醫生插尿喉、針灸都堅持零反應，不過最後卻因為一陣味而「破功」！
湖北省公安廳日前喺微博指，孝感市一名男子涉嫌詐騙被警方拘捕，但佢一直扮暈逃避調查，警方將他送醫治療後查不出原因，醫生用盡方法，幫佢做心電圖、插尿喉、針灸、掐人中等，大叔依然豪無反應，叫極唔醒。
「暈低」三日三夜之後，警員喺佢床邊開餐食咖哩牛肉飯，傳出陣陣飯香，呢個時候大叔個肚發出「咕咕」聲，佢終於忍唔住擘大眼起身！大叔目前正被警方刑事拘留，佢事後坦言：「當時有幾天沒吃，心裏還是想吃一點的。」
不少網民睇到報道後都覺得大叔三日不吃不喝好忍得，搞笑留言「你永遠無法叫醒一個裝睡的人，除非飯太香」，「插尿管都能忍！ ？是個狼人」，「這就是民以食為天嗎，天大地大吃飯最大 」。
Photo／湖北省公安廳微博影片截圖
