抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》搜尋量最多首5隻港股，依次為新世界發展、蒙牛乳業、零跑汽車、中國石油股份、江西銅業股份。
至於第6至10位，依次為金山軟件、融創中國、紫金礦業、永利澳門、五礦資源。
美元轉弱，金銀銅價齊升，鋁價及其他有色金屬表現亦強，相關板塊股表現強勢。有分析指，銀、銅價升係受惠於電氣化需求，而作為太陽能關鍵原料嘅白銀升得更勁，上周五(17日)至今累升逾8%，衝上逾10年高位，刺激白銀概念股飆升，中國白銀集團半日一度爆升逾60%，同系嘅金貓銀貓亦曾飆28%。
富昌證券聯席董事譚朗蔚指，白銀係年初至今表現最強嘅大宗商品之一，累計升幅仲勁過金價，但港股兩隻相關股只適宜短炒，並指金股反而值得留意。
Stevan表示，睇好有色金屬股今年繼續強勢，當中首選紫金，因為業務繁多，買佢1隻就可以涉獵到幾種有色金屬，加上市值大、交投多，最新又獲納入國企指數。不過，紫金股價升幅已逐漸收窄，佢話無謂依家高追，可以等回調至18.5元水平再部署下一輪升浪，如果有貨則可分2至3批適量減持。
