【A&M Diary】西班牙菜係歐洲三大菜系之一，小食Tapas、西班牙海鮮飯、西班牙火腿等，加上浪漫激情嘅西班牙氣氛，絕對係愛上西班牙菜嘅理由。嚟到主打西班牙菜嘅Casamogos，餐廳設計同氣氛都極具質感，加上餐廳嘅出品有煲保證，所以如果你都想搵間高質嘅西班牙餐廳食飯，慶祝生日或紀念日，非常推介呢間餐廳呢！
和牛他他
前菜用咗一個黑色月球嘅容器登場，和牛他他入邊拌咗香蔥同洋蔥，而上面則有魚子醬，肉味香濃豐富，加上肉嘅油香，真係非常滿足。大家仲可以配上法包一齊食，減低油膩感。
香煎鵝肝多士
鵝肝一上枱已經傳嚟一陣鵝嘅油香，而鵝肝上面有啲柚子莎莎醬，中和咗鵝肝嘅油份，而鵝肝煎到內脆外軟，入口即化真係令人念念不忘。
