抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》用戶關注度上升最多港股，依次為金沙中國、碧桂園、李寧、中國恒大及比亞迪股份。
澳門2023年12月賭收勝預期，係2023年「第2高」嘅月度收入，雖然比起2019年疫情前最少有「2字頭」亦有距離，但都已經返到疫情前80%水平。消息帶動金沙股價逆市升，雖然14天RSI已上到70以上，見約3個月高位，但嚟緊係農曆新年旺季，賭股可唔以繼續復甦？還是季節性因素已反映晒？
富途證券高級策略師譚智樂認為，好難話季節性因素已反映晒，不過，農曆新年假期係傳統旺季，相信博彩業會比較穩陣。事實上，自2022年底出咗通關消息後，澳門博彩業一直復甦得相對好，因為澳門博彩業本身有獨特性。
佢又指，賭股2023年底開始下跌，主要係市場擔心內地宏觀經濟狀況，不過，2023年11月至12月都維持到升勢，市場信心開始返嚟。目前，金沙股價跑贏大市，但EV對EBITDA仍唔算好貴，喺大部分公司係淨現金流、EBITDA係正數嘅情況下，現水平都可以收集，短線而言，金沙及銀河娛樂股價仍有上升空間。
