抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》用戶關注度上升最多港股，依次為比亞迪股份、碧桂園、中國平安、李寧及聯想集團。
比亞迪今朝一度失守200元水平，其後回升。市場競爭激烈、銷售增長放緩等負面因素係咪已經反映晒喺股價？今年初股價低位係186元，年底前會唔會隨時會觸底？
富途證券高級策略師譚智樂認為，整個汽車板塊有11月份開始已經轉弱，相信未來3個月毛利率會有下行趨勢，但唔一定代表公司盈利能力明顯轉差，目前減價戰除咗配合年底促銷，同時鋰電池、鋰礦等原材料價格都有下行趨勢，市場擔心會醖釀激烈嘅價格戰。
佢指，所有公司都無可能完全獨善其身，比亞迪相對受嘅影響不大但唔代表完全唔需要跌。技術走勢上，200元只係心理關口，195元先喺比較重要嘅水平。整體上，對於會唔會穿200元都唔需要太過悲觀，目前預測市盈率(PE)都係20幾倍左右，相信明年出現盈利倒退嘅機會唔大，因為比亞迪有完善產業鏈，喺價格戰中仍然有好大優勢，如果有貨係手就唔建議現水平減持。
