抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》用戶關注度上升最多港股，依次為新鴻基地產、騰訊控股、港交所、阿里巴巴及小米集團。
新地連續兩日上榜，雖然《施政報告》為樓市「減辣」，但本地地產股普遍都要跌，新地股價繼續企喺80元樓下，大股東郭老太鄺肖卿再出手，喺前日(24日)增持40.1萬股，每股平均價約79.9元，涉資逾3200萬元，郭老太今次出手源於新地股價喺業績後表現唔好，睇返今年9月兩次增持行動，都係因為股價告急，但郭老太出手係咪真係幫到股價？
椽盛資本投資總監曾永堅指，根據過往經驗，傳統本地家族大型股，如果大股東增持公司股份，都會對股價有正面作用。不過，依家大股東難敵市場力量，除港股受整體情緒氛圍困擾，本地地產股本身都四面楚歌。此外，市場對本港樓市前景都傾向保守，甚至悲觀，而《施政報告》最終只係「減辣」唔係「撤辣」，亦令市場失望，不過，喺依家嘅市況下，不論「減辣」或「撤辣」作用都係好短暫，未必可以扭轉依家嘅劣勢，喺呢個情況下，地產股難改反覆向下格局。
