抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》用戶關注度上升最多港股，依次為京東集團、小鵬汽車、比亞迪股份、友邦保險及騰訊控股。
Tesla上季業績差過預期，毛利率更大跌，加上美國就對華出口晶片限制加辣，市場擔心由英偉達(Nvidia)供應嘅汽車晶片會有影響，呢個係咪今日電動車股，尤其係小鵬跌得較多嘅「死因」？
富昌證券聯席董事譚朗蔚指，呢幾日同Nvidia有關嘅股份都要捱沽，喺成個汽車板塊集體受壓下，小鵬係有補跌空間，股價喺6月時，由40元水平慢慢向上，但其後失守咗62元呢個支持位後，股價近日就跌唔停，不過，佢認為暫時仍唔適宜撈底，如果小鵬企唔穩53元呢啲關鍵位，有機會下試44元水平，佢又提醒投資者要留意歐盟對國產品牌方面嘅牽制。
此外，小鵬下周二(24日)會舉行科技日，屆時會公布自動駕駛及出行生態系統技術路線圖，Stevan話，唔建議偷步做部署，因為成個汽車板塊走勢暗淡，就算小鵬發布新技術都撐唔住股價。
