抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》用戶關注度上升最多港股，依次為阿里巴巴、碧桂園、比亞迪股份、騰訊控股及遠洋集團。
阿里宣布張勇全面退出阿里雲，未來會成立1個10億美元嘅科技基金，阿里股價今日繼續跌，雖然新CEO吳泳銘向全體員工發信，宣布「用戶為先、AI驅動」兩大戰略重心，但都幫唔到股價，到底市場擔心乜嘢？
大唐資本投資策略部總監盧志明認為，市場最擔心公司嘅靈魂人物退落嚟之後，人事布局會點發展，始終會對阿里利潤及股價有影響，而管理層出現變動，或多或少會令外界擔心。
佢又話，吳泳銘嘅公開信整體上冇乜特別內容，雖然管理層離開唔一定令市場對公司失去信心或打咗折扣，但始終前景不明朗，投資者都寧願睇定啲，導致股價受壓。
股價方面，Ken認為，阿里近期表現都唔算太叻仔，加上美元偏強不利新經濟股，若股價能重上支持位又守得住，應問題不大，估計暫時會喺82至94元上落。
