抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時，1小時內《彭博》用戶關注度上升最多嘅港股依次為美團、新奧能源、新世界發展、騰訊控股及友邦保險。
新奧能源上日派中期業績，收入同純利都差過預期，拖累到股價創2018年以嚟最大單日跌幅。管理層下調今年全年業務指引，核心盈利由預期按年升超過10%，調低至最多跌5%；亦下調零售氣量銷售指引至跌5%。除咗業績唔靚仔之外，係咪因為管理層調低業務指引，所以震散咗股價？
大華繼顯執行董事梁偉源就話，新奧能源出業績前，股價已經一路向下，投資者冇好大憧憬。市場會覺得上半年已經唔係咁好，仲要大幅調低指引，令沽壓相當大。呢點反映公司覺得經濟前景唔太樂觀，本來已經好受經濟周期影響，即使有分析指，近期燃氣價格開始回落，對成本有幫助，但始終不及中國經濟增長狀況未如理想，導致下半年業績展望比上半年更差。
