【Now新聞台】截至早上11時止，1小時內《彭博》用戶關注度上升最多港股，依次為碧桂園、比亞迪股份、騰訊控股、友邦保險及遠洋集團。
內房債務危機爆發逾1年以來，市場一直揣測中央幾時出手，大和資本最新指，中央今次處理內房危機較以往克制，令市場對內房嘅疑慮加深，又話中央可能對經濟仍未回穩有顧慮，若政策力度太大，可能令樓市再產生泡沫，但要等到經濟回穩，先加大政策力度，到底要等到幾時？
椽盛資本投資總監曾永堅認為，其實早於2015年，樓市泡沫已開始爆破，但當年中央推出棚改戶政策去延續呢個泡沫，直到新冠疫情期間，中央終於出手。佢又指，依家內地樓市最大問題係供過於求，呢方面需要一段長時間先解決到，碧桂園事件正正喚醒咗市場去留意呢個問題。
Jaseper又話，就算人民銀行減息降準，都唔會增加內地商業，以至個人喺樓按或消費嘅信貸。
