抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》用戶關注度上升最多港股，依次為比亞迪股份、美團、騰訊控股、港交所及龍湖集團。
市傳港交所正準備喺打風時照常交易，如果落實將會係繼滬港通假期安排後，進一步調整港股交易時間嘅措施。港交所股價早段最多升1%至316.6元後偏軟，中午收報312.8元，同上日收市價持平。
椽盛資本投資總監曾永堅形容措施係「隔靴搔癢」，認為增加交易日數對港股交投冇咩幫助，最重要應該係吸引更多資金入場先可以推升成交，但受外圍政治角力影響，外資成交大幅縮減，加上增加股票印花稅後可謂對做開高頻交易嘅機構投資者「趕盡殺絕」，成交好難唔萎縮。
Jaseper表示，受外圍宏觀經濟預期轉差影響，估計港股成交繼續疲弱，利淡港交所股價，預期短期將反覆下試，有機會跌至去年嘅技術裂口位，即約302至305元水平。
