抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時內《彭博》用戶關注度上升最多港股，依次為遠洋集團、騰訊控股、港交所、友邦保險、商湯。
遠洋一批2030年到期嘅美元債，今朝一度大跌33%，有機會錄得呢批債券2020年發行以嚟最大單日跌幅，受債價急挫拖累，遠洋股價今日連跌第2日，仲跑輸多隻內房股，在資金集中投資有國資背景嘅優質內房股下，遠洋股價係咪好快可以止跌？
椽盛資本投資總監曾永堅指，單睇遠洋背景，股東包括中國人壽，喺呢啲國資背景及財務有一個較強後台下，市場原本以為係相對穩陣，不過，除咗之前畀評級機構下調評級外，公司早前都發咗盈警，預期去年少賺83%，除咗反映經營狀況外，當中亦涉及一啲減值撥備，反映公司財務狀況、經營實力等都比較遜色，所以資金都會揀返一啲股價跌得比較低，但可以把握到樓市改善機遇嘅股份，因此，估計遠洋短期仍要捱沽，甚至有機會下試去年11月低位，即0.48元水平。
