抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，1小時内彭博機用戶關注度上升最多港股，依次為正榮地產、長城汽車、吉利汽車、合景泰富集團、碧桂園服務。
長汽3月銷售按年跌9%，但按月大升43%，不過，大行就潑冷水，指純粹因產品組合有變，同公司表現無關，又話唔會因今次數據幫長汽重新評級，目標價都冇調整，汽車板塊持續受消費疲弱、供應鏈等問題困擾，前景似乎都好難樂觀？
富昌證券聯席董事譚朗蔚指，汽車芯片供應鏈嘅利淡因素，最少持續1年半載，屬長期夕陽，其次係疫情大幅擴散下，好多省市廠房停咗，影響唔少品牌，加上數據唔靚，恒指3月中打後反彈4000點嗰轉，長汽冇彈過，令好多人失望，反觀「三大造車新勢力」、甚至比亞迪股份因為主打新能源車，所以彈力較好。
Stevan又話，長汽、吉利後市有可能會穿底，因為數據唔掂，加上缺芯問題持續，原材料期貨價格及成本飆升，進一步削弱盈利，所以唔睇好呢類傳統車股。
