【Now新聞台】截至早上11時止，1小時內《彭博》用戶關注度上升最多港股，依次為萬科企業、舜宇光學、中國海洋石油、正榮地產及華潤置地。
萬科企業董事長郁亮喺公司周年大會上，預期今年內房收入會顯著下跌，仲話今年會係集團背水一戰嘅一年， 連較穩健嘅萬科對內房市場都睇得咁悲觀，內房最艱難時期係咪仍然未過？
富昌證券聯席董事譚朗蔚指，雖然政策有鬆綁，如上舊年銀行放貸寬鬆咗，似乎對內房市場有幫助，但要分清楚邊啲係有較多資金嘅拯救者，邊啲係淪陷嘅被拯救者，如果亂咁博一間未被拯救嘅內房，就要面臨公司步向違約嘅風險。
