【Now新聞台】截至早上11時，1小時內《彭博》用戶關注度上升最多嘅港股依次為中國石油股份、海螺水泥、農夫山泉、中國石油化工及龍光集團。
海螺水泥今日股價標青，半日升逾3%，重上250天線。消息指，發改委接受《新華社》訪問時指，要「適度超前開展基礎設施投資」。內地疫情反覆，之前多家大行下調咗今年中國經濟增長預測，究竟內地係咪始終要靠基建投資谷經濟?
富昌證券聯席董事譚朗蔚表示，内地疫情影響外貿出口，物流一定受疫情影響，加上通脹問題持續。相信内地GDP無可避免要靠基建撐，其中，鐵路、水泥、重型卡車及公路都係可以幫手推動經濟，相關股份可以留意。
