【Now新聞台】截至早上11時，1小時内《彭博》用戶關注度上升最多的港股依次為開拓藥業、正榮地產、中國信達、吉利汽車及中國華融。
開拓藥業噚晚公布，研究中嘅新冠藥物普克魯胺嘅中期臨床試驗未達標，即使公司已發聲明，指藥物安全性無問題，仍股價今朝照洗倉式急瀉，除咗短短5分鐘内蒸發148億市值，仲冇埋早前成為新冠概念股嘅升浪。有貨嘅投資者點算好？
圓通環球金融集團行政總裁曾永堅指，開拓藥業股價急瀉，除咗公司藥物冇突破外，亦因為B仔股「音樂椅」已停，藥企炒作已成歷史，好多資金都趕住離場。開拓藥業股價已「破發」，反映資金物色緊更有實力嘅公司投資。
Jasper建議，持貨較多嘅投資者喺跌幅收窄時套現，而持有1、2手嘅投資者就趁嗰陣止蝕。
