【Now新聞台】截至早上11點，1小時内《彭博》用戶關注度上升最多的港股，依次為富力地產、龍光集團、九龍倉置業、世茂集團、中國海外發展。
内房龍光及世茂宣布折讓配股集團，但股價走勢各異，龍光持續受壓，更一度失守配股價6.8元，早段捱沽嘅世茂就一直守住配股價，之後更反覆倒升，點解世茂股價硬淨咁多？
京華山一國際研究部主管彭偉新指，世茂股價一直喺低位徘徊，市場認為今次配股後，未來一段時間應該唔會再「抽水」，值博率較高，所以股價能由跌轉升，世茂喺依家嘅環境下仍能配股集資，反映市場對公司前景仍有信心，佢又認為，内房股配股後，股價有機會逐步造好，分別在於邊隻行先、邊隻行後。
