【Now新聞台】截至早上11點，1小時內《彭博》用戶關注度上升最多的港股，依次為：小米集團、周大福、花樣年控股、快手、龍湖集團。
快手周二公布業績，今日曾升超過6％，重返100元樓上。雖然仲虧損緊，但摩根士丹利升評級至「與大市同步」，用戶數目有增長，但係咪真係值升超過10％？
安山資本資產管理部董事黃志陽認為，市場之前過份悲觀，擔心監管影響視頻平台經營。而業績出爐後，虧損收窄，經營比預期好，釋放投資者疑慮，令股價上升。
中長線嚟睇，Jackson認為視頻平台雖然高增長，但目前受監管機構望實，要賺錢都唔係咁易。好在，依家快手嘅用戶人數多，運作都上咗軌道，表現唔差，但係佢提醒投資者切忌心雄。
