【Now新聞台】截至早上11點，1小時內《彭博》用戶關注度上升最多嘅港股，依次為中國電信、彩生活、中國鋁業、海底撈及宇華教育。
彩生活復牌後一度急挫逾40%，之前因債務問題而要停牌，結果要強制出售附屬畀碧桂園服務，由於賣走核心業務，股價急挫都不太意外，但彩生活嘅結局，會唔會好似中國恒大咁慘烈，如果以高位計，股價跌咗90%？
安山資本資產管理部董事黃志陽指，雖然彩生活賣走呢項主要業務，但公司可以攞到一筆錢，或多或少都可以解決到部分債務問題，至於未來嘅營運有冇改善仲要睇，不過，由於彩生活有啲「前科」，投資者始終會有戒心，Jackson話，彩生活嘅結局係點，除咗要睇公司仲有冇債務問題，亦要睇可唔可以挽回投資者信心。
