【Now新聞台】截至早上11點，1小時內《彭博》用戶關注度上升最多港股，依次為騰訊控股、康希諾生物、美團、遠洋集團及信義光能。
網遊股成為今日跌市重災區，因官媒狠批網絡遊戲係「精神鴉片」，騰訊股價一度急挫近11%，有機會錄得10年以來最大單日跌幅，監管風暴燒埋科網股龍頭騰訊，呢類股份「黃金期」係咪已過？
京華山一國際研究部主管彭偉新指，騰訊最賺錢嘅遊戲業務受到限制，對騰訊嚟講係摧毀性嘅影響，之前騰訊所受嘅反壟斷處罰等，已推冧股價，若市場未來下調騰訊盈利預測，股價一定持續受壓。佢又估計，呢輪跌浪仲未完結，騰訊股價可能進一步尋底，投資者必須小心。
