【Now新聞台】截至早上11時，1小時内《彭博》用戶關注度上升最多的港股依次為海底撈、中遠海控、中國石油化工股份、龍光集團及中國石油股份。
弱勢咗一段時間嘅邊爐股板塊最近有起色，今朝海底撈股價暫時曾大升逾8%。内地傳媒報道，北京市嘅夜經濟持續復甦，除咗晚市高峰期延長至凌晨，海底撈北京門店一日平均營業17個鐘，有啲仲做足22個鐘。疫情後經濟反彈，扭唔扭轉到海底撈弱勢？
耀才證券研究部總監植耀輝話，早前市場擔心海底撈嘅發展會被内地疫情拖慢，令股價一直無起色，認為海底撈延長營業時間的確令股價短暫反彈，但股價沉底太耐，不大可能靠今次就扭轉到劣勢。
