【Now新聞台】截至早上11點，1小時內《彭博》用戶關注度上升最多的港股，依次為中國移動、信義光能、心動公司、友邦保險、中國石油化工。
中石化第二日上榜，股份早段微升後又倒跌，半日收市報4.35元，逼近1年高位4.37元。
美國受極地寒流吹襲，導致產油量大減，加上憧憬環球經濟復甦，國際油價連日攀升，「三桶油」股價亦跟升，其中中石化、中國海洋石油暫時3連升，中石化股價相對落後。
英皇證券銷售部副總裁林建華指，中海油嘅上游業務比中石化多，因此更受惠於油價上升，因為賣油利潤會增加，中石化主業係煉油，加上中國係石油進口國，油價高企煉油成本自然增加。
佢建議，如果想食住油價呢輪升浪，買中海油好過買中石化追落後。
