【Now新聞台】【Now財經台】截至今早11點，一小時內《彭博》用戶關注度上升最多的港股，依次為瑞聲科技、昆侖能源、騰訊控股、美團及美高梅中國。
瑞聲計劃分拆旗下光學業務誠瑞光學喺A股上市，其實呢個消息喺集團10月出嘅通告已經提及，但當時股價冇反應，股價今日早段曾經飆近10%。
耀才證券研究部副經理譚智樂解釋，可能當時仲未有明確嘅時間表，所以市場毫無反應，雖然瑞聲依家傳出呢個利好消息，股價就挾咗上去，不過，瑞聲股始終悶咗好耐，今季一直喺40元至45元上落。
Arnold話，炒瑞聲可以喺40蚊邊博一博，睇放完假之後會唔會再升多一浸，但股價喺40至45元仍然係冇方向，有貨可以揸住，冇貨就睇定啲先，等破咗阻力位先再追。
