【Now新聞台】截至早上11點止，《彭博》Top Search No.1為康希諾生物，第2至第5位分別為比亞迪股份、金蝶國際、旭輝控股及國泰航空。
康希諾生物公司聯合創始人上周六同外電透露，正與多國包括俄羅斯、巴西等進行商討，啟動旗下「重組新冠病毒疫苗」第三階段臨床試驗，目標要搵四萬人作試驗，咁樣會唔會令股價借勢炒作？
圓通環球金融集團行政總裁曾永堅指，現時整個金融市場焦點都放喺新一波疫情，其實唔單止香港，美國和巴西的疫情都有惡化迹象，所以疫苗相關股獲資金再一次追捧，而較多人睇好康希諾生物會成功研製疫苗，估計公司股價有機會再上280元水平。
