【Now新聞台】截至早上11時止，《彭博》系統Top Search No.1為新鴻基地產，第2至5位依次為新世界發展、九倉置業、舜宇光學、聯想集團。
五隻上榜股份中，四隻曾經或仍然係五大跌幅藍籌，頭三位更全部由地產相包辦，係咪預示地產股展開新一輪跌浪？
中民證券研究部董事黃偉豪指，地產股前景未必要睇得咁悲觀，雖然7月、8月出現明顯跌浪，但9月、10月出現反彈。不過，由於剛過去嘅周末本港政局再升溫，地產股今日跟隨大市向下，但Ravi認為，地產股估值仍然吸引，如果社會事件冇傳嚟太負面消息，相信地產股可以慢慢企返穩。
